1. Startseite
  2. Glaube uns nicht einfach... Sondern sehe selbst, was unsere «Brüder» über uns zu sagen haben...

Glaube uns nicht einfach... Sondern sehe selbst, was unsere «Brüder» über uns zu sagen haben...

Roy Harrington
     

 Churz vor mim 28igste Geburtstag, nach fast 8 Jahr Beziehig, hed mini Fründin mit mier plötzlich, ohni Vorwarnig, usem nüüd use Schluss gmacht... und sich mit emne andere Typ verpisst… Ich bi komplett am Bode zerstört xsi… Und han d'Welt nümme verstande... Mier sind recht jung zemecho und ehrlich xseid han ich kei Plan gha, wie mer Fraue aspricht und kennelernt… Ich bi sowas vo komplett verlore xsi… Und so innere schlechte Verfassig... Kei Sinn meh xseh im Lebe… Es isch wie en dunkli Wolke über mim Chopf ghanged… Da fast alli mini Kollege inner Beziehig xsi sind oder selber kompletti Losers mit Fraue, bi ich vollkomme uf mich elei gstellt xsi… Bis ich die Gruppe gfunde han. Da han ich Glichgsinnti kenneglernt. Sie hend mier ghulfe wider uf d’Sunnesite vom Lebe zcho… Und ich muess säge, d’Reis hed im Nachhinein au no recht Spass gmacht. Chas wirklich nur empfehle! Super xsi!

Roy Harrington: Student Universität St.Gallen
Carter Crawford
     

 Mis Lebe isch bis jetzt eigentlich recht problemlos verlaufe… Ich ha en sehr gueti Familie, dere ich sehr dankbar bin und mini Chindheit isch wirklich "top" xsi. Au d'Schuel isch mer relativ liecht gfalle und i mim Studium han i au fast immer gueti Note gha…Und da ich au nid so schlecht usxeh, ischs bi mier mit Fraue au einigermasse "ok" gloffe… Aber irgendwie ha ich immer s'Gfühl gha, dass ich mis Potential nid usschöpfe… Ich chönnt meh erreiche… Hübscheri Fraue date… Meh Geld verdiene… Mich meh pusche…. Aber irgendwie hed mich mis Umfeld immer abezoge und mich zrugghalte… „Das isch z’riskant“… „Bi zfride mit dem wo du hesch“… „Bis du froh, dass überhaupt en Job hesch“ usw… Au mini Kollege hend irgendwie kei höcheri Ziil gha im Lebe… Chli Suufä… Chli Game… Chli Droge nää… Ich han aber meh welle! Und gwüsst, dass au meh möglich isch! Hie han ich endlich Lüüt gfunde, mit ähnlich höche Ziil und Ambitione! Super xsi bis jetzt! Danke mini Brüder!!!

Carter Crawford: Consultant Cyber Security
Amadeus Prescott
     

 Ich bi leider no nie guet xsi mit Fraue… Wo ich 24gi worde bi und immer no Jugfrau xsi bin und no nid einisch i mim Lebe en Frau küsst han, ha ich gwüsst, jetzt isch gnueg! Ich muess öppis a mim Lebe ändere…. So chas nid wiiter gaaa… Ich will kei "Wizard" (A 30+ Year Old Virgin) werde! Also ha ich gmacht, was en brave Nerd, wie ich, immer macht und bi is Internet und han mis Problem recherchiert… Und denn endlich... Nach langem Sueche, han ich die Gruppe gfunde… Zerst bini no nid so recht überzügt xsi... Söll ich biitrette? Isch das nid chli peinlich? Was isch, wenns mich nid cool finded? Bi ich gnueg guet? Lohnt sich das wirklich? Isch das nid irgend en Scam? Tuusigi Sache und Usrede sind mer dure Chopf und Gründ wieso ichs nid söll mache... Aber irgendeisch, amene Abig, wos mer widermal so richtig scheisse gange isch, hanni eifach dänkt "FUCK IT!" jetzt isch gnueg! Ich han ja wirklich nüüd meh z'verlüüre... Und has gmacht! De Rest isch History!!! Ich chan nur sege momentan gsehd mis Lebe komplett anderst us. Ich bi grad recht zfride und ich danke no hüt Gott, dass ich „Die Bruderschaft“ gfunde han! Beschti Entscheidig vo mim Lebe!!! Merci Jungs!!! <3

Amadeus Prescott: Student ETH Zürich